Banat ( Leaderboard Top ), pagematch: 1, sectionmatch: 1

Siknoy, very lamih!

Ingon ko, dili ko mag-karne karong buwana. Pero nabuak gyud nako ang maong panaad adtong January 10, pagtaak nako sa “Siknoy”, Chinese-Pinoy restaurant diha sa Parkmall. Wala ra gyud unta to’s akong plano ba kay ang BANATanay man, hosted by Yuri, Jaypee and Sanden ang mag-live show didto as opening episode sa ilang online show for Banat News page. In fact, pagpangutana nila mukuyog ba ko, ingon ko, dili lang. But sayo man mi nahuman so nikuyog na lang ko kay ganahan sab ko mulaag lite. Hahaha!

And mayra jud nga niuban ko kay lamih kaayo tanan nakong natilawan didto sa Siknoy uy. In other words wala ko nagbasul. Liwas sa Pista Senyor na lang ko mubalik sa akong meatless diet. Aguy. Didto nachika nako ang tag-iya nga si Cherrypie Oronce Go or Tita Pie. Ganahan kaayo ko niya uy kay very pretty na, very humble pa gyud. Lingaw kaayo siya istoryahon.  Unya ang ending, mas una pa ko nakatilaw sa ilang mga pagkaon kaysa sa mga host sa BANATanay Live na Live kay dili ganahan ang taga Siknoy nga mabugnaw ang mga pagkaon. Ingon si Tita Pie, mas lami gyud init pa nimong kan-on hinungdan nga wala sila'y display kay inig order nimo anha pa lutuon. Pakpak!

Una gyud nakong natilawan ang siomai. Kalami naman lang. You can really taste the karne uy. As in, dili siya ngilngig and firm nga dili extenders or harina imong ma-taste. Karne gyud. Sunod nga gidalit kay spring rolls nga susama ra og ingredients sa siomai. Gumikan sa kalami, two servings of five pieces each akong nahurot.  Yes, 10 pieces of spring rolls akong nahurot. Ay'g saba kay mauwaw ta. Hahaha!

Unya gisilbihan ko og special batchoy. Hoyyyyyyyyy kalami! Naunlod gyud ang unod. Unlike sa ubang batchoy nga daghan kaayo’g sabaw uy, naglutaw ang unod. Lamiah lagi. Nya niabot ang barbecue. Haskang humuka ug perting lamia. Ingon si Tita Pie nga gihumok gyud nila’g maayo ang barbecue kay dili sila ganahan magtan-aw sa mga estudyante sa Ateneo nga mabawo og kitkit kay gahi kaayo ang karne. By the way, sila maoy nag-operate sa canteen sa Ateneo diin bestsellers gyud didto ang siomai, spring roll ug barbecue.

And then, wako ni-order og drink kay water raman gyud ko usually. Nya silang Yuri kay nag-order man og shake unya nag-show pa man sila, ako nala'y niinom sa mango shake. Kalamih! Fresh na fresh ang mango uy. Sakto sa katam-ison. Pakpak! And yes, akoy unang nag-food tasting itandi sa hosts. Bwahahaha. Unya ingon si Tita Pie, lamih sab daw ang chicken feet nila. So iyang gipatilawan nako. Uy uy, wala gyud siya naghimo-himo’g istorya. Tinuod gyud nga lami. Unya, humok kaayo and very saucy. Pakpak!

Eventually, nahuman na sa ilang live show ang BANATanay hosts, so nagdungan na mi og pangaon gyud. Mas daghan pang sud-an ang gibutang sa lamisa, pero ang akong gibirahan gyud og maayo kay ang adobong manok bisaya. Mura’g akoy nakakaon sa duha ka paa ug usa pitso. Bwahahaha. Ayaw lagi tawon mo’g saba. Gilamian lang gyud ko!

Bitaw, ang Siknoy has branches sa J Center Mall ug sa Insular Square. Affordable and reasonable ilang presyo ug naa sab sila'y meal packages. Suwayi gud og adto, kay malamian lagi ka. Because everything at Siknoy is very lami!

  • Follow Us: