Banat ( Leaderboard Top ), pagematch: 1, sectionmatch: 1

Pagkawala sa panimuot

CEBU, Philippines — Ang tawo nga makasinati niining pagkawala sa panimuot dili gyud makabatyag sa mga kasikas sa palibot.

Ang pagkawala sa panimuot o ang atong gitawag nga pagkakuyap, dili kini nato na taghapan o matag-an kun kanus-a kini mahitabo sa usa ka binuhat.

Kasagaran sa mga makasinati niini makatagamtam og pagpanglipong, kalit nga pagkaduka, paspas ang heartbeat o paghuot sa dughan ug pagkaluya.

Pipila sa mga tinubdan sa pagkakuyap mao ang mga mosunod:

-Wala'y sulod ang tiyan o wala mikaon ug naghilab ang tiyan

-Galisod og ginhawa o paspas ang pagginhawa

-Na-dehydrate

-Kuwang sa katulog

-Nadisgrasya

-Napantok ang ulo

-Pagkunhod sa blood pressure

-Pagkunhod sa blood sugar

-Adunay sakit sa kasingkasing

Wala'y bisag kinsa niini ang exempted sa maong mental status gumikan kay bisan ang mga bata, makasinati usab niini.

Aron makalikay sa pagkakuyap, adunay gihan-ay nga eksplinasyon ang www.medlineplus.gov nga angay ninyong pakisayran:

-Igo ang oras sa pagkatog

-Moinom og tubig kanunay

-Magpalandong kun init ang panahon

-Mokaon sa saktong oras

-Kun adunay gitagamtam nga sakit, magdumdom sa pagtumar sa tambal

Kun ang tawo nga nawad-an gihapon sa panimuot pipila na ka minutos, angay na motawag sa rescue unit aron maluwas pa ang kinabuhi sa usa ka binuhat.

 

  • Follow Us: