Banat ( Leaderboard Top ), pagematch: 1, sectionmatch: 1

38th Cebu Pop

CEBU, Philippines — Mahitabo na karong Enero 19, 2018 ang usa sa mga prestihiyosong bangga sa mga banggiitan nga kompositor sa Kabisay-an, ang 38th Cebu Popular Music Festival diha sa IC3 Pavilion sa Mabolo. Ang maong tinuig nga kompetisyon gipasiugdahan ni Talisay City Mayor Eduardo Gullas isip halad kang Señor Sto. Niño, ingon man pag-abag usab sa pagpalambo sa Bisayang Musika.

Gisugdan nato  sa miaging adlaw   ang anam-anam nga  pagmantala sa  lyrics sa  entries.

Ania ang katapusang duha ka song entries:

 

Ipasigarbo

Composer/ Lyricist: Sharon C. Lanier

Arranger: Russell Alegado

Interpreters: Danielle May Ozaraga, Philipp Mancol  and Francis Isidro

 

Verse1

Ipasigarbo 'tang tanan

Tibuok kalibotan

Kining lugar ta nga natawhan

Gasa sa kahitas-an

Daghang katalagman

Ang atong nahiagoman

Apan padayong nagbarog

Nagpabilin nga isog

 

Chorus;

Ipasigarbo 'tang CEBU!!!

Kay mga anak ta ni Lapulapu

Panalipdan, higugmaon ug

palamboon ta ang Cebu

Maghiusa ta, di magtibolaag, di magiyaiya

Aron makab-ot ang mga pangandoy ta

'Ning lugar 'tang Cebu..

 

Cebu2x ang paraiso

Nga gihatag nato sa Ginoo

Ampingan ta ug mahalon

Kining pinangga 'tang Cebu,...

Uban ni Sr Sto Nino

Ang balaang bata nga Jesus

'Moy manalipod ug manalangin 'ning

Mahal ta nga Cebu

 

Rap:

ipasigarbo 'tang tanan

kining dapit ta nga natawhan

ato'ng isinggit ug kusog

sa mga nagkahiusang tingog

nga Sugboanon ta

ug dili masayonsayon nila

kay kanunay'ng mubarog

bisan kapila mahisukamod

suroy mo aron masulayan ninyo

ang kulturang Sugboanon

nga tatak PILIPINO

dili ikatandi sa bisag unsang lahi

kay kami andam nga mutabang

ug di gyud magmagahi

maong dali namo

Welcome to Cebu

 

Verse2;

Tanang dapit ning kalibotan

Ang ako'ng naadtoan

Apan gipangita ko gihapon

Ang kaanyag mo

Ikaw ang pinuy-anan ko

Ang bugtong paraiso

Sa kanunay andam nga ihalad

Ang kinabuhi ko

(Repeat Chorus)

 

Rap:

Panalipdan nato ang lugar tang natawhan

Palamboon nato ang atong paraiso

Ubanan nato ang atong  gobyerno

sa ilang mga plano ug proyekto

Nga himuong sentro sa turismo ang Cebu

Aron kitang tanan mulig-on, muasenso

Maghiusa ta ug mangaliya ngadto niya

Nga malikay unta sa mga katalagman

ug disgrasya

Padayon sa paglambo ang hinatag niya.

 

Chorus:

Ipasigarbo 'tang CEBU!!!

Kay mga anak ta ni Lapu2x

Panalipdan, higugmaon

ug palambu-on ang Cebu

Maghiusa ta, di magtibolaag,

di mag-iyaiya

Aron makab-ot ang mga pangandoy ta

'Ning lugar 'tang Cebu.

 

Cebu… Cebu… Cebu

Ipasigarbo tang CEBU!

 

 

  • Follow Us: