Banat ( Leaderboard Top ), pagematch: 1, sectionmatch: 1

3rd Capt. Raul Cabanero caging sugdan na

CEBU, Philippines — Makabaton  na   sab og  laing kahigayonan nga makasaksi og kulbahinam nga aksiyon sa basketbol ang mga lumolupyo sa Bulacao- Talisay ug kasikbit nga mga barangay sa dihang   ang 3rd Capt. Raul Cabanero Inter-Secondary Basketball Tournament mosikad na karong adlawa     diha    sa Bulacao Sports Complex, dakbayan sa Talisay.

MGA DUWA KARON

6:00 pm

SWU vs. UC

 

8:00 pm

CEC vs. DBTC

 

Adunay 10 ka teams  ang mag-ilog sa korona ning maong kompetisyon nga modugang og lamas sa selebrasyon sa piyesta sa Barangay Bulacao Talisay agi’g pagtamod sa  Balaang Bata si Sr. San Sto. Niño.

Bahinon sila sa duha ka grupo. 

Ang bracket A pangulohan sa 17th CESAFI champion University of the Visayas (UV) Baby Lancers uban sa Southwestern University-Phinma Baby Cobras, University of Cebu (UC) Junior Webmasters, Cebu Institute of Technology-University (CIT-U) Wildkittens ug University of Southern Philippines Foundation, Inc.  (USPF)   Baby   Panthers.

Samtang mangulo sa bracket B mao ang runner-up    Sacred  Heart      School-Ateneo  de  Cebu  (SHS-AdC)  Magis  Eagles,  Cebu Eastern College     (CEC)   Dragons, Don Bosco Technology Center (DBTC) Greywolves, University of San Carlos (USC) Baby Warriors ug University of San Jose-Recoletos (USJ-R) Baby Jaguars.

Mosubay sila og single round robin format atol sa elimination. Ang top 2 teams matag bracket maoy mag-engkuwentro sa crossover semifinals. Ang mga mananaog magsangka dayon alang sa korona, samtang ang mga pildero mag-ilog alang sa ikatulong puwesto.

Ang mokampiyon mobulsa og P25,000, samtang ang runner-up niini makadawat og P15,000. Ang second ug third runners up makaangkon og P10,000 ug P5,000.

Ang tinuig nga kalihukan gipasiugdahan  ni Bulacao Talisay Barangay Captain Raul Cabanero uban sa iyang working committee nga sila si councilors Banjo Abastillas, Darwin Cabanero ug Agnes Lastimosa.

Ang mga duwa ubos sa superbisyon ni  head technical committee Edwin Dejacto Sr.

  • Follow Us: