Banat ( Leaderboard Top ), pagematch: 1, sectionmatch: 1

Reklamo ni Diaz giaksiyonan sa PSC

CEBU, Philippines — Mipasalig ang  Philippine Sports Commission (PSC)  nga magpatukod og modernong training gym alang sa mga sakop sa Phl team.

Tubag kini sa reklamo ni Olympic weightlifting silver medalist Hidilyn Diaz kabahin sa kahimtang sa training facility sa weightlifting team sa nasud. 

“Good news in three months daw magawa na ang isang high performance gym sabi ng PSC,”  matud pa ni Diaz sa iyang Twitter account.

Si PSC executive director Sannah Frivaldo mao ang mipasalig ni Diaz nga dili na sila mag-antos sa karaan nga gym ug kakuwang sa mga gamit tungod kay gilihok na nila ang kabalhinan sa Philippine weightlifting team.

Nasayran nga niadtong Miyerkules, gikuhaan og hulagway ni Diaz ang daan na nga gym didto sa Rizal Memorial Sports Complex nga gigamit sukad pa niadtong dekada 90.

Ang iyang gibutang sa social media mimugna og kasikas diin daghan ang misaway sa kagamhanan sa kuwang og  pagtagad sa   Pinoy nga mga atleta.

  • Follow Us: