Banat ( Leaderboard Top ), pagematch: 1, sectionmatch: 1

EDITORYAL - Daghan pa ang nagtakoban

Wala na karon mahimutang sa ilang nahimutangan ang mga opisyal sa gobiyerno, apil na ang mga polis nga adunay mga kasong kriminal ug administratiba, kay bisan unsang orasa karong semanaha mao na ang ilang katapusan nga matawag sila og kawani sa gobiyerno. Tungod kay wala pa mahuman si Presidente Duterte sa iyang paglimpyo sa gobiyerno gikan niining mga kurakot, kawatan, abusado ug nalambigit sa ilegal nga mga kalihokan nga migamit sa ilang posisyon aron mangwarta.

Karon lang buwana, gitaktak ni Duterte ang administrador  sa  Maritime  Industry Authority (MARINA) nga si Marcial Amaro III tungod sa naghinubrang mga biyahe sa abroad nga gastos sa gobiyerno. Gawas kang Amaro, nauna na nga gipangtaktak sila si National Irrigation Administration (NIA) administrator Peter Laviña, Office of the Cabinet Secretary Undersecretary Halmen Valdez, Interior Secretary Ismael Sueno, Dangerous Drugs Board chairpersons Benjamin Reyes ug Dionisio Santiago, Presidential Commission for the Urban Poor chairperson Terry Ridon ug uban pa nga commissioners, apil na niini ang ig-agaw sa kapuyo sa presidente. Kagahapong adlawa, gibutyag ni Duterte nga may taktakon na usab siya, ”apil ang tulo ka heneral. Daghan tinuod ang dili ganahan sa presidente tungod sa pinalahi niya nga pamaagi sa pagdumala sa nasud nga may dalang bunal aron pangpitol. Sa war on drugs, daghan ang nakasaway kaniya apan aprubado sa tanan ang pagpanangtang niya niining mga badlungong opisyales sa gobiyerno.

Samtang nanghimakak sa mga alegasyong kurapsyon ang uban nga mga gipangtangtang, apan klaro kaayo nga wala sila makaabot sa labok nga gipangita sa pangulo. Maayong sa sunod, tan-awon kon kinsa pa gyud kining mga anaa na karon sa iyang pundok nga nagtakoban sa ilang tinuod nga pagkatawo nga sa pagkatinuod kawatan, kurakot, abusado sa gahom, manggamitay ug nag-enjoy karon sa landong sa pangulo.

  • Follow Us: