Banat ( Leaderboard Top ), pagematch: 1, sectionmatch: 1

Dugang unom ka barko sa Navy moapil

CEBU, Philippines — Gawas sa BRP Agta nga sakyan sa imahen ni Senior Santo Niño, adunay lain unom ka mga barko sa Philippine Navy ang moapil sa fluvial procession nga kasakyan sa mga gustong mokuyog.

Gihangop sa Naval Forces Central nga sa labing unang higayon usa sa ilang mga barko ang napilian nga sakyan sa imahen sa Balaang Batang Senior Santo Niño.

Matud pa ni Lt. Nomer Bilbao, Deputy, Office of the Assistant of the Chief of Staff for Operations, nga ilang gipangandaman pag-ayo ang fluvial procession. Ang BRP Agta gibutangan og platform tungtongan sa mga imahen ug kaparian nga mosakay niini nga mokuyog sa fluvial procession.

Sumala pa ni Bilbao, gawas sa galleon, adunay laing unom nila ka  barko nga mokuyog alang sa seguridad ug sakyan sa mga tawo.

Gipahibalo usab ni Bilbao nga higpit nila nga gidili ang pagdala og mga bags nga dili makita ang sulod.

Ang kapolisan sa Lapu-Lapu City Police Office (LLCPO) nga gipangulohan ni Senior Superintendent Rommel Cabagnot miingon nga bawal ang pagdala og mga balloons ug mga paboto.

Susama gihapong mga gidili ang ipatuman sa Mandaue City Police Office sumala pa ni Senior Inspector Roberto Alanas ug mas maayo pang mogamit sila og sound system aron sa pagyukbo, pagpangaliya  ug pag-ampo. Rowena Capistrano ug Romeo T. Limpangog (BANAT NEWS)

  • Follow Us: