Banat ( Leaderboard Top ), pagematch: 1, sectionmatch: 1

Naghikog o gipatay?

Si Police Officer 1 James  Michael Borres sa Consolacion Police Station miingon nga ang patay’ng lawas mao si Ernesto Olivirio kansang lawas nadiskubrehan sa caretaker sa balay nga si Remegio Jaime Iway. File

CEBU, Philippines — Gipalawman sa kapolisan ang ilang imbestigasyon sa napalgang patay’ng lawas sa usa ka lalaki sa sulod sa giabangang lawak diha sa Barangay Cansaga, Lungsod sa Consolacion tungod sa mga kadudahang nakita diha sa patay’ng lawas niini.

Si Police Officer 1 James  Michael Borres sa Consolacion Police Station miingon nga ang patay’ng lawas mao si Ernesto Olivirio kansang lawas nadiskubrehan sa caretaker sa balay nga si Remegio Jaime Iway.

Matud pa ni Borres  napalgan kini ni Iway nga nagbitay sa pisi nga gihigot sa liog apan sa ilang paghiling sa ubang bahin sa iyang kalawasan aduna pa kini laing mga samad diha sa liog, linaslasan sa iyang pulso ug samad sa ulo.

Dugang pa ni Borres nga sa sulod sa lawak ilang nakaplagan ang nagkadugo nga kutsilyo nga maoy gidudahang nakaingon sa maong mga samad.

Tungod sa maong mga kadudahang mga samad gipaubos sa autopsy ang lawas sa namatay aron pagtino  kon may foul play ba gyud ang kamatayon sa biktima. (BANAT NEWS)

  • Follow Us: